තුර්කි – සිරියා භූ කම්පනයෙන් ජීවිතක්ෂයට පත් වූ පුද්ගලයන් සංඛ්‍යාව 41,000 ඉක්මවා ගොස් තිබේ.
මේ වනවිට සහන කණ්ඩායම්වල අවධානය දැඩි සීත කාලගුණය මධ්‍යයේ නවාතැන් හෝ ප්‍රමාණවත් ආහාර නොමැතිව පීඩාවට පත්ව ඇති ජනතාවට උපකාර කිරීම කෙරෙහි යොමු වී ඇති බව විදෙස් මාධ්‍ය වාර්තා කරයි.
ඒ අනුව රුසියාව ඇතුළු රටවල් කිහිපයක් සුන්බුන් අතර සිරවී සිටින පිරිස් සොයා ක්‍රියාත්මක කළ මෙහෙයුම් අවසන් කර තිබේ.
මේ අතර රටවල් දෙකෙහි මිලියන 26කට මානුෂීය ආධාර අත්‍යවශ්‍ය බව ලෝක සෞඛ්‍ය සංවිධානය සඳහන් කළේ ය.
සනීපාරක්ෂාව සහ බෝවන රෝග පැතිරීම වැනි සෞඛ්‍ය ගැටලු පාලනය පිළිබඳව ද ජාත්‍යන්තර සංවිධාන සිය අවධානය යොමු කර තිබේ.