විදේශ කටයුතු ඇමැති මංගල සමරවීර මහතා සහ ගෝලීය ද්‍රවිඩ සංසදයේ නායක එමානුවෙල් දේවගැති සහ එහි ප්‍රකාශක සුරේන් සුරේන්ද්‍රන් අතර බර්ලින් නුවර මැරියට්‌ හෝටලයේදී සාකච්ඡාවක්‌ පවත්වා ඇතැයි වාර්තා වේ.
මෙම ගෝලීය ද්‍රවිඩ සංසද නායකයන් දෙදෙනාගේ සාකච්ඡාවට මුල්වී ඇත්තේ සංහිඳියාව සහ වගවීම යන කරුණු බව ආරංචි මාර්ග දක්‌වයි. එමානුවෙල් දේවගැති හා සුරේන් සුරේන්ද්‍රන් මැරියට්‌ හෝටලය වෙත පැමිණ ආලින්දයේ අසුන්ගෙන සිටින අයුරු බර්ලින් නුවර ශ්‍රී ලාංකිකයන්ගේ නිරීක්‍ෂණයට ලක්‌වී තිබේ.
එමානුවෙල් දේවගැතිවරයා 1997 වසරේ සිට ජර්මනියේ දේශපාලන රැකවරණ ලබා සිටී.
මෙයට පෙර මංගල සමරවීර මහතා ලන්ඩන් නුවරදී ද මොවුන් දෙදෙනා මුණගැසී සාකච්ඡා පවත්වා ඇත.
කීර්ති වර්ණකුලසූරිය