Colombo Today Local News

අනුරාධපුර අභිනව අටමස්ථානාධිපති ලෙස අතිපූජ්‍ය පල්ලේගම හේමරතන නා හිමියෝ පත් කෙරෙති

අනුරාධපුර අභිනව අටමස්ථානාධිපති ලෙස ස්වර්ණමාලී චෛත්‍යාරාමාධිකාරී නුවරකලාවියේ ප්‍රධාන සංඝනායක ශාස්ත්‍රපති අතිපූජ්‍ය පල්ලේගම හේමරතන නාහිමියන් නොවැ. 11 වන දා වැඩ භාර ගැනීමට නියමිත ය.

ඒ අනුව, එකොළොස් වන අටමස්ථානාධිපති නාහිමියන් ලෙස උන්වහන්සේ එදින පෙරවරු 7.00ට සිය ධූරයේ වැඩ භාර ගැනීමට නියමිත ය.

හිටපු අටමස්ථානාධිපති උතුරු මධ්‍යම දෙදිසාවේ ප්‍රධාන සංඝනායක ආචාර්ය අතිපූජ්‍ය පල්ලේගම සිරිනිවාස නාහිමිපාණන් වහන්සේගේ අපවත්වීමෙන් පුරප්පාඩු වූ එම ධූරය සදහා අටමස්ථාන කාරක සභාව විසින් අතිපූජ්‍ය පල්ලේගම හේමරතන නාහිමියන් පත් කිරීමට ගන්නා ලද ඒකමතික තීරණයකට අනුව අටමස්ථානාධිපති ධූරය සදහා උන්වහන්සේ පත් කර ඇත.

ජය ශ්‍රී මහා බෝධියේ උතුරු වාහල්කඩ දොරටුව අභියසදී අනුරාධපුර අටමස්ථාන කාරක සභාවේ සභාපති වෛද්‍ය ජනක බුලංකුලම මල්වට්ටියක් පූජා කර උන්වහන්සේ වෙත පිළිගැන්වීමෙන් පසු අභිනව අටමස්ථානාධිපති නාහිමියන් බෝ සමිඳුන් වන්දනා කර ආගමික වතාවත්හි නි‍රතව ආශීර්වාද ලබා ගැනීමට නියමිත ය.

අනතුරුව අභිනව අටමස්ථානාධිපති නාහිමියන් සිය ධූරයට පත්වීම සංකේතවත් කරමින් ජය ශ්‍රී මහා බෝධිය පහළ මළුවේ බෝ පැළයක් රෝපණය කිරීමට නියමිත අතර ඉන්පසු උන්වහන්සේ බෝ මළුව විහාරස්ථානයේදී සිය ධූරයේ වැඩ භාර ගැනීම සිදු කෙරෙනු ඇත.

එහිදී සිය ධූරයේ රාජකාරි කටයුතු ආරම්භ කිරීම සංකේතවත් කරමින් ජය ශ්‍රී මහා බෝධියේ බෝ අංකූරයක් අනුරාධපුර ප්‍රදේශයේ විහාරස්ථානයකට ප්‍රදානය කිරීම සිදු කිරීමට නියමිත ය.

Related posts

රාජගිරිය රිය අනතුරට අදාලව හිටපු වැලිකඩ පොලිස් ස්ථානාධිපති අත්ඩංගුවට ගන්න නියෝග

colombotoday

ජිනීවා යෝජනාවට සමඅනුග්‍රහය දැක්වීම රට පාවා දිමක් – ජනපති

colombotoday

ග්‍රෑන්ඩ්පාස් ගොඩනැගිල්ලක් කඩා වැටේ.. හය දෙනෙක් මිය ගිහින්…

colombotoday

නිවසටම ගිහින් කොවිඩ් රෝගීන්ට බෙහෙත් කරපු හොර දොස්තර අතටම මාට්ටු

colombotoday

කුරුණෑගල නගරධිපතිගේ රිට් පෙත්සම විභාගයට නොගෙනම විසි වෙයි

Admin

කෝවිඩ් – 19 වෛරසය වැළදුණු රෝගීන් සංඛ්‍යාව 117 ක් දක්වා ඉහළට

colombotoday