ශ්‍රී ලංකාව මැදි ආදායම් ලබන රටක සිට අඩු ආදායම්ලාභී රටක් බවට පත් කිරීමේ යෝජනාවක් අද(10)දින කැබිනට් මණ්ඩලයට ඉදිරිපත් කිරීමට නියමිත ය.
ඒ , ලෝක බැංකුවේම ශාඛාවක් වන ජාත්‍යන්තර සංවර්ධන සංගමයෙන් (IDA) සහනදායි අරමුදල් ලබා ගැනීමේ අරමුණින් ය.
මෙම තීරණය සඳහා සවිස්තරාත්මක හේතු දැක්වීමක් කැබිනට් මණ්ඩලයට ඉදිරිපත් කර අනුමැතිය ලබා ගැනීමට නියමිත අතර ඉන් අනතුරුව ලෝක බැංකුව වෙත දැනුම් දීමට නියමිතයි.
ජාත්‍යන්තර ප්‍රතිසංස්කරණ සහ සංවර්ධන බැංකුවෙන් (IBRD) ණය ලබා ගැනීමේදී මැදි ආදායම් ලබන රටක් ලෙස නම් කර පැවතීම නොසුදුසු කමක් ලෙස සැලකීම ඊට හේතුවී තිබේ.