තායිවානය, 2023 වසර සඳහා වන අය වැයෙන් ආරක්ෂක වියදම් සඳහා අමෙරිකානු ඩොලර් බිලියන 19.4 ක වාර්තාගත මුදලක් වෙන් කර තිබේ.
එය පෙර වසරවල ආරක්ෂක වියදම්වලට සාපේක්ෂව 14%ක වැඩිවීමකි.
ප්‍රහාරක ජෙට් යානා, මිසයිල ඇතුළු යුද උපකරණ මිලදී ගැනීම සඳහා වන මුදල් ද ඊට ඇතුළත් වේ.
මේ අතර චීනයෙන් එල්ලවන තර්ජන මධ්‍යයේ අමෙරිකානු සෙනට් සභික මාෂා බ්ලැක්බර්න් නිල සංචාරයක් සඳහා තායිවානයට පැමිණ ඇත.
තුන්දින සංචාරය තුළදී ඇය තායිවාන ජනාධිපති ඇතුළු බලධාරීන් හමුවී ආරක්ෂාව, ආර්ථිකය ඇතුළු වැදගත් කරුණු රැසක් සම්බන්ධයෙන් සාකච්ඡා කිරීමට නියමිතය.
අමෙරිකානු කතානායක නැන්සි පෙලොසිගේ තායිවාන සංචාරයත් සමග චීනය, තායිවාන සමුද්‍ර සන්ධියේ යුද අභ්‍යාස ආරම්භ කළේ ය.