අද (05)ත් දුම්රිය කිහිපයක් අවලංගු කිරීමට සිදුව ඇතැයි, දුම්රිය දෙපාර්තමේන්තුව පවසයි.
කොළඹ කොටුව සිට, මීගමුව, රඹුක්කන, පොල්ගහවෙල බලා ධාවනය වීමට නියමිතව තිබූ දුම්රියන් 04 ක් මේ වන විට අවලංගු කර ඇති බව දුම්රිය පාලක මැදිරිය පවසයි.
ඒ පවතින ඉන්ධන අර්බුදය හමුවේ, දුම්රිය සේවකයින්ට සේවා සඳහා පැමිණීමේ ඇතිවු ගැටලු හේතුවෙනි.
දුම්රිය පාලක මැදිරිය සඳහන් කරන්නේ, සෙසු දුම්රියන් සාමාන්‍ය පරිදි ධාවනයට පියවර ගෙන ඇති බවයි.
එහෙත් ඇතැම් දුම්රියන් ප්‍රමාද වී ධාවනය වන බව ද, පාලක මැදිරිය පවසයි.
මේ අතර, බස් ධාවනය සීමා වීම හේතුවෙන්, මගීන් දැඩි පීඩාවට පත්ව සිටී.