බන්ධනාගාර දෙපාර්තමේන්තුවේ දිවයින තුල විසිරී පවතින බන්ධනාගාර ආයතනවල බන්ධනාගාරගත රැදවියන්ගේ පුනරුත්ථාපන ක්‍රියාවලිය යාවත් කරමින් යහපත් පුරවැසියන් ලෙස සමාජගත කිරීමේ අරමුණින් මෙවරද හෙට (14) දින පොසොන් පුරපසලොස්වක පොහොය දිනය නිමිත්තෙන් බන්ධනාගාර තුල වැඩසටහන් රාශියක් සංවිධානය කර ඇත.
ඒ අනුව, ශීල ව්‍යාපාර, ධර්මදේශණ, ධර්ම සාකච්ඡා, බන්ධනාගාරගත රැදවියන් වෙනුවෙන් පැවැත්වීමට කටයුතු සූදානම් කර ඇති අතර, අධිආරක්ෂිත බන්ධනාගාරයක් වන බූස්ස බන්ධනාගාරයේ රදවා සිටින විශේෂ ඝණයේ රැදවියන් සදහා ශීල ව්‍යාපාර වැඩසටහනක් සංවිධානය කර ඇත. මේ සදහා විශේෂ ඝණයේ රැදවියන් 20 ක් පමණ සහභාගී වීමට නීයමිත බව බන්ධනාගාර කොමසාරිස් (පාලන/ පුනරුත්ථාපන / මාධ්‍ය ප්‍රකාශක) චන්දන ඒකනායක ප්‍රකාශ කර සිටී.