කුරුවිට හා මල්ලාවි යන ප්‍රදේශවලින් මනුෂ්‍ය ඝාතන දෙකක් වාර්තා වී තිබේ.
කුරුවිට පොහොරබාව ප්‍රදේශයේදී බීමත්ව පැමිණි පුත්‍රයෙකු තම 66 හැවිරිදි පියාට මුගුරකින් පහරදී ඝාතනය කර ඇති බව පොලිසිය පවසයි.
පුත්‍රයා හා ඔහුගේ බිරිඳ අතර ඇතිවූ ආරවුලක් සමථයකට පත්කිරීමට යාමේදී පියා එලෙස ඝාතනයට ලක්ව තිබේ.
ඝාතනයට සම්බන්ධ 34 හැවිරිදි පුත්‍රයා අත්අඩංගුවට ගෙන ඇතැයි, පොලිසිය සඳහන් කරයි.
මේ අතර මල්ලාවි පාලිනගර් මාර්ගයේ හිසේ ලේ ගලන තුවාල සහිතව වැටී 40 හැවිරිදි පුද්ගලයෙකු රෝහල්ගත කිරීමේදී මියගොස් තිබේ.
මියගොස් ඇති පුද්ගලයා අනාරාධිතව උපන් දින සාදයකට සහභාගිවී නිවසට පැමිණෙන අතරතුර මෙම සිද්ධියට මුහුණ පා ඇති බවට තොරතුරු අනාවරණය වී ඇති බව පොලිසිය පවසයි.
සිද්ධියට සම්බන්ධ සැකකරුවන් අත්අඩංගුවට ගැනීම සඳහා විමර්ශන ආරම්භ කර ඇතැයි පොලිසිය වැඩි දුරටත් සදහන් කරයි.