දින 08කට පසුව අද (31) දිනයේ ගෑස් වෙළෙඳපොළ ට නිකුත් කිරීමට නියමිතව තිබේ.
අද දිනයේ සිට ලබන සිකුරාදා දක්වා දෛනිකව ගෑස් සිලින්ඩර් 50,000 ක් නිකුත් කිරීමට සැලසුම් කර ඇති බව ලිට්‍රෝ සමාගම සඳහන් කරයි.
නියමිතව තිබූ දිනට ගෑස් නෞකාව නොපැමිණීම හේතුවෙන් පසුගිය අඟහරුවාදා දිනයේ සිට ගෑස් බෙදාහැරීමේ කටයුතු ලිට්‍රෝ සමාගම විසින් නතර කරනු ලැබුවා.
ඊයේ දිනයේදී ගෑස් මෙට්‍රික් ටොන් 3,950ක් රැගත් නෞකාවක් දිවයිනට පැමිණි අතර එය ගොඩබෑමේ කටයුතු පස්වරුවේම ආරම්භ කළ බව ලිට්‍රෝ සමාගම සඳහන් කළේය.
ඒ අනුව අද දිනයේ සිට ගෑස් වෙළෙඳපොළට නිකුත් කිරීමට කටයුතු කරන අතර දෛනිකව නිකුත් කරනු ලබන ගෑස්වලින් සියයට 30ක ප්‍රමාණයක් හෝ ගෑස් සිලින්ඩර් 30,000ක් කොළඹ සහ ගම්පහ දිස්ත්‍රික්කවලට බෙදාහැරීමට නියමිතය බව ද වාර්තා වේ.