නොරොච්චෝලේ බලාගාරයේ ජනන යන්ත්‍රයක් බිඳ වැටීම හමුවේ තාප සහ ජල විදුලි උත්පාදනය ඉහළ නැංවීමට පියවර ගන්නැයි, මහජන උපයෝගිතා කොමිසම විදුලිබල මණ්ඩලයට උපදෙස් දී තිබේ.
කොමිසම මෙම උපදෙස් ලබාදී ඇත්තේ, දැනට ක්‍රියාත්මක පැය 3 යි විනාඩි 20 ක දෛනික විදුලි කප්පාදුව ඉහළ නැංවීමකින් තොරව පවත්වා ගැනීම සඳහායි.
නොරොච්චෝලේ විදුලි බලාගාරයේ මෙගාවොට් 270 ක ජනන යන්ත්‍රයක් මේ වනවිට බිඳ වැටී තිබේ.
විදුලි බල හා බලශක්ති අමාත්‍ය කංචන විජේසේකර මහතා සඳහන් කළේ, ජනන යන්ත්‍රය යථා තත්ත්වයට පත් කිරීම සඳහා තවත් දින 05ක කාලයක් ගතවනු ඇති බවයි.
A සිට W කලාප කලාපයන්ට පෙරවරු 9.00 සිට පස්වරු 5.00 දක්වා පැය 2 ක් ද, පස්වරු 5.00 සිට රාත්‍රී 9.00 දක්වා පැයයි විනාඩි 20 ක් ද ලෙස අදත් විදුලිය කප්පාදු කෙරේ.