සංවිධානාත්මක අපරාධකරුවකු වන “ගන්දර සමන්” නැමැත්තාව අද (19)දින විශේෂ කාර්ය බළකා නිලධාරීන් විසින් අත්අඩංගුවට ගෙන තිබේ.
මෙලෙස අත්අඩංගුවට ගෙන ඇත්තේ ගන්දර ප්‍රදේශයේ පදිංචි 49 හැවිරිදි පුද්ගලයෙකි.
ඔහු සතුව තිබී ටී 56 වර්ගයේ උණ්ඩ යෙදිය හැකි ගිනි අවියක්, ටී 56 වර්ගයේ උණ්ඩ 12ක් සහ කඩුවක් සොයාගෙන ඇත.
මීට අමතරව, ආරක්ෂක අංශයේ නිලධාරීන් භාවිතා කරන බූට් යුගලක් ද නිවසක් තුළ සඟවා තිබිය දී සොයාගෙන තිබේ.
විශේෂ කාර්ය බළකාය තංගල්ල කඳවුරේ නිලධාරීන්ට ලද තොරතුරක් මත ගන්දර පොලිස් වසමේ තලල්ල දකුණ ගන්දර ප්‍රදේශයේ දී මෙම වැටලීම සිදුකර ඇත.
වැඩිදුර විමර්ශන සඳහා සැකකරු ගන්දර පොලිස් ස්ථානය වෙත භාර දී තිබේ.