පුද්ගලයෙකු අත්අඩංගුවට ගැනීම සඳහා පොලීසිය කඩවත රාගම පාරේ කුප්පියාවත්ත ප්‍රදේශයට ගිය අවස්ථාවේදී එහි උණුසුම් තත්ත්වයක් ඇතිවී තිබුණි.
එම ප්‍රදේශයේ ඇතිවී තිබූ පවුල් ආරවුලක් සම්බන්ධයෙන් පුද්ගලයෙකු අත්අඩංගුවට ගැනීමක් සඳහා කඩවත, පොලීසියේ නිලධාරීන් එලෙස එම ස්ථානයට ගොස් ඇත.
එම අවස්ථාවේදී එහි නොසන්සුන් තත්ත්වයක් ද හටගෙන තිබේ.
ඒ අනුව තත්ත්වය පාලනය කිරීම සඳහා පොලීසිය අහසට වෙඩි තිබීමක් ද සිදුකර තිබුණි.