මහකන්නය සඳහා කාබනික පොහොර බෙදා හැරිම අද (13)දින සිට ආරම්භ කිරිමට කටයුතු යොදා තිබේ.
මෙරට නිෂ්පාදිත කාබනික දියර පොහොර එලෙස බෙදා හරින බවය ගොවිජන සේවා කොමසාරිස් ජනරාල් ඒ.එච්.එම්.එල්. අබේරත්න මහතා සඳහන් කරයි.
දිවයිනපුරා පිහිටි ගොවිජන සේවා මධ්‍යස්ථාන වෙත එම කාබනික පොහොර බෙදා හරිනු ඇති.
කාබනික දියර පොහොර දේශිය නිෂ්පාදකයින්ගෙන් මිලදි ගත් බව ද ඔහු සඳහන් කරයි.
ඊට අමතරව ගොවීන් තමන්ට අවශ්‍ය කාබනික පොහොර තමන් විසින්ම නිෂ්පාදනය කරගෙන ඇති බවද කොමසාරිස් ජනරාල්වරයා සඳහන් කරයි.
මේ අතර කේ.සි.එල්. කාබනික පොහොර ද ගොවීන්ට ලබාදීමට නියමිතය.