මහේස්ත්‍රාත්වරයකුගේ නිල නිවසේ බීමතින් ආරක්ෂක රාජකාරියේ යෙදී සිටි බව කියන කටුගස්තොට පොලීසියෙ නිලධාරීන් දෙදෙනකුගේ වැඩ තහනම් කර ඇතැයි පොලිස් මූලස්ථානය සඳහන් කරයි.
මෙලෙස වැඩ තහනමට ලක්ව ඇත්තේ පොලිස් සැරයන්වරයෙකු සහ පොලිස් කොස්තාපල්වරයකු බවද පොලිස් මූලස්ථානය පවසයි.
කටුගස්තොට අලදෙණිය ප්‍රදේශයේ පිහිටි මහේස්ත්‍රාත්වරයකු ගේ නිල නිවසේ බීමතින් රාජකාරී කරමින් සිටියදී ඊයේ (20)දින මොවුන් පොලිස් අත්අඩංගුවට පත්වූ බව කටුගස්තොට පොලීසිය පොලීසිය සඳහන් කරයි.
කොරෝනා වසංගත තත්වය හේතුවෙන් පොලීසියට වාර්තා නොකර නිවසේ සිට රාජකාරි ස්ථානයට වාර්තා කිරීමට අවස්ථාව ලබාදී තිබියදී මෙම සැරයන්වරයා සහ කොස්තාපල්වරයා නිවසේ සිට පැමිණ අදාල මහේස්ත්‍රාත්වරයාගෙ නිවසේ රාජකාරියට වාර්තා කර ඇතැයි ද කටුගස්තොට පොලිසිය පවසයි.
කටුගස්තොට පොලීසියේ නිලධාරීන් රාත්‍රී සේවයේ යෙදී සිටියදී අදාළ මහේස්ත්‍රාත්වරයාගේ නිවස පරීක්ෂාවට ලක් කිරීමේදී මෙම පොලිස් නිලධාරීන් දෙදෙනා බීමතින් සිටි බවට හෙළි වීමෙන් පසු ඔවුන් දෙදෙනා වැඩ තහනම් ලක් කළ බව පැවසෙයි.