උතුරු මැසිඩෝනියාවේ ටෙටෝවෝ නගරයේ පිහිටි කොවිඩ් ප්‍රතිකාර රෝහලක ඇති වූ ගින්නකින් පුද්ගලයින් 10 දෙනෙකු මියගොස් ඇති බව විදෙස් මාධ්‍ය සඳහන් කරයි.
ගින්නෙන් තවත් රෝගීන් කිහිපදෙනෙකු බරපතල තුවාල ලබා ඇති අතර ගිනි ගැනීමට හේතුව මෙතෙක් අනාවරණ වී නොමැති බව වාර්තා වේ.
මෙම ගින්න නිසා අහිමි වූ ජීවිත ප්‍රමාණය තවත් ඉහළ යා හැකි අතර රෝහල ගිනි ගනිද්දී එහි රෝගීන් කෙතරම් ප්‍රමාණයක් සිටියාද යන්න පිළිබඳව මෙතෙක් තහවුරු වී නොමැති බව එරට සෞඛ්‍ය අමාත්‍ය වෙන්කෝ පිලිප්ස් සඳහන් කර තිබේ.
ප්‍රතිකාර ලබමින් සිටි පසුව ගලවා ගත් පිරිස සඳහා තාවකාලික රෝහල් පහසුකම් ලබාදී තිබෙන බවට විදෙස් වාර්තා වැඩිදුරටත් සඳහන් කරයි.