මන්නාරම, ඉලුප්පුකඩවායි ප්‍රදේශයේදී රුපියල් මිලියන 39කට අධික වටිනාකමින් යුත් කේරල ගංජා තොගයක් සමග සැකකරුවන් දෙදෙනෙකු අද අලුයම නාවික හමුදා භාරයට ගෙන තිබේ.
නාවික හමුදාව සඳහන් කළේ, ඔවුන් සතුව තිබී කේරල ගංජා කිලෝග්‍රෑම් 131 යි ග්‍රෑම් 725 ක් සොයාගත් බවය.
මත්ස්‍යයින් ප්‍රවාහනය සඳහා භාවිත කරනු ලබන ශීතකරණ පහසුකම් සහිත සැකකටයුතු ලොරි රථයක් පරීක්ෂා කළ අවස්ථාවේදී මෙම කේරල ගංජා තොගය ඉතා සුක්ෂම ලෙස එහි සඟවා තිබියදී සොයාගෙන තිබේ.
සැකකරුවන්, කේරල ගංජා තොගය සහ ලොරි රථය නීතිමය කටයුතු සඳහා මන්නාරම පොලීසියට භාර දුන් බව නාවික හමුදාව සඳහන් කළේ ය.