කර්මාන්ත අමාත්‍ය විමල් වීරවංශ මහතා දින 14ක කාලයක් සඳහා ස්වයං නිරෝධායනය ට යොමුව තිබේ.
නිල ෆේස්බුක් පිටුවේ සටහනක් තබමින් විමල් වීරවංශ මහතා සඳහන් කර ඇත්තේ, තමාගේ ආරක්ෂක අංශයේ සේවයේ නියුතු පොලිස් නිලධාරීන් කිහිපදෙනෙක් කොවිඩ් ආසාදිත වී ඇති බවය.
ඒ අනුව ඔවුන්ගේ ආශ්‍රිතයෙක් ලෙස තමා ද නිරෝධායනය වීමට තීරණය කළ බව ද එම සටහනේ දැක්වේ.
එමෙන්ම කර්මාන්ත අමාත්‍යාංශයේ තමාගේ අමාත්‍ය කාර්යාලය විෂබීජහරණය කර දින 14ක් වසා තැබෙන බව ද විමල් වීරවංශ අමාත්‍යවරයා සඳහන් කරයි.
අමාත්‍යාංශයේ වැඩ කටයුතු සාමාන්‍ය පරිදි සිදුකෙරෙන අතර, හැකිතාක් දුරස්ථ ක්‍රමවේද මඟින් කටයුතු කරන ලෙසත් විමල් වීරවංශ මහතා දැනුම් දෙයි.
විමල් වීරවංශ මහතා තැබු සටහන පහතින් දැක්වේ.
