කොරෝනා එන්නත නිසි පරිදි නොලැබෙන බවත්, එළඹෙන 16 වැනිදා වන විට බලධාරින් ලංකාව පුරා සිටින වනජීවී නිලධාරින්ට එන්නත් ලබා දීමට කටයුතු නොකළහොත් ජූලි 17 හා 18 දෙදින දීප ව්‍යාප්තව සියලු රාජකාරිවලින් ඉවත් වන බව සමස්ත ලංකා වනජීවී නියාමක නිලධාරින්ගේ සංගමය විසින් අධ්‍යක්ෂ ජනරාල්වරයාට ලිඛිතව දැනුම්දීමක් කර තිබේ.
දිවයිනේ බොහෝ ක්ෂේත්‍ර රාජකාරිවල නියැළී සිටින රාජ්‍ය සේවකයන්ට කොරෝනා මර්දන ප්‍රතිශක්තිකරණ එන්නත් වැඩසටහන ක්‍රියාත්මක වුවත් වනජීවී නිලධාරින් සඳහා කුඩම්මාගේ සැලකිල්ල ලැබීම නිසා ඉකුත් 07 වැනිදා සංකේත වෘත්තීය ක්‍රියාමාර්ගයකට යොමුවන බවත් වනජීවී නිලධාරින්ට එන්නත් ලබා දෙන්න කටයුතු සූදානම්ව පැවතියත් එය දීප ව්‍යාප්තව සිදු නොවන බවත් නිරීක්ෂණය වී ඇති බවත් එම සංගමය කියයි.