බුස්ස බන්ධනාගාරයේ නිරෝධායනය වෙමින් සිටි රැදවියන් 33 දෙනෙකුට හා ගාල්ල බන්ධනාගාරයේ එක් රැදවියෙකුට කොරෝනා වෛරසය ආසාදනය වි ඇති බවට තහවුරු වි ඇති බැව් දකුණු පළාත් සෞඛ්‍ය සේවා අධ්‍යක්ෂක කාර්යාලය පවසයි.
ගාල්ල හා කළුතර යන දිස්ත්‍රික්කවල පිහිටි අධිකරණ මගින් රක්ෂිත බන්ධනාගාරගත කරණු ලබන රැදවියන් බුස්ස බන්ධනාගාරයේ නිරෝධායනය කරණ අතර පසුව පසුගිය (08) වෙනිදා කරණු ලැබු පි.සි.ආර්. පරික්ෂණවල ප්‍රථිපල ඊයේ (11) ලැබි ඇත.
එම ප්‍රථිපල අනුව මෙම රැදවියන්ට කොරෝනා වෛරසය ආසාදනය වි ඇති බවට තහවුරුවි ඇත. බුස්ස බන්ධනාගාරයේ කොරෝනා ආසාදිත රැදවියන් 33 දෙනාගෙන් 12 දෙනෙකු මාතර වටරැක බන්ධනාගාරය වෙතද 21 නෙකු අගුණුකොළපැලැස්ස බන්ධනාගාරය වෙත ප්‍රථිකාර සදහා යොමුකොට ඇති බවද පළාත් සෞඛ්‍ය සේවා අධ්‍යක්ෂක කාර්යාලය පවසයි.
කොරෝනා වසංගතය ආරම්භ වි මේ දක්වා කාලය තුලදි බුස්ස බන්ධනාගාරයේ නිරෝධායනය වෙමින් සිටි රැදවියන් 555 දෙනෙකු වෙත හා ගාල්ල බන්ධනාගාරයේ රැදවියන් 102 දෙනෙකු වෙත කොරෝනා වෛරසය අසාදනය වි ඇති බවට තහවුරුවි ඇති බවද සෞඛ්‍යසේවා අධ්‍යක්ෂක කාර්යාලය පවසයි.