Colombo Today Local News

එක්ස්ප්‍රස් පර්ල් නෞකාව : පීඩාවට පත් ධීවරයින්ට වන්දි දෙන්න මිලියන 420 ක් වෙන් කරයි

මුහුදුබත් වෙමින් ඇති එක්ස්ප්‍රස් පර්ල් නෞකාවේ බලපෑමෙන් පීඩාවට පත් ධීවරයින් සඳහා අතුරු වන්දියෙන් ලද මුදල්වලින් සහ රජයේ මැදිහත්වීමෙන් රුපියල් මිලියන 420 ක් වෙන්කර තිබේ.

අධිකරණ අමාත්‍ය ජනාධිපති නිතිඥ අලි සබ්රි මහතා පැවසුවේ, අතුරු වන්දියෙන් ධීවර ජනතාව සඳහා රුපියල් මිලියන 200ක් නෞකා සමාගම මෙරටට ලබා දී ඇති බවයි.

එම මුදලට අමතරව තවත් රුපියල් මිලියන 220ක් ඇතුළත් කර පීඩාවට පත් ධීවරයින්ට වන්දි දෙන බව ඔහු ප්‍රකාශ කළේ ය.

මේ අතර, නෞකාවේ බලපෑමෙන් පීඩාවට පත් ධීවරයින්ට වන්දි ගෙවීම ලබන සතියේ ආරම්භ කරන බව, ධීවර අමාත්‍යාංශය පවසයි.

අමාත්‍ය ඩග්ලස් දේවානන්දා මහතා පැවසුවේ, ඊට අදාළ කටයුතු මේ වනවිට අවසන් අදියරේ පවතින බවය.

මේ අතර, නෞකාවේ බලපෑමෙන් මියගිය බවට සැක කරන කැස්බෑ සත්ත්වයින් 200කට අධික පිරිසකගේ සිරුරු මේ වනවිට හමුව තිබේ.

ඒ හේතුවෙන්, මියගොස් ඇති ඩොල්ෆින් සත්ත්වයින් ගණන 20කට අධිකය.

තල්මසුන් 06 දෙනෙකු ද, නෞකාවේ බලපෑමෙන් මියගොස් ඇති බවට සැකකරන බව, වනජීවි අමාත්‍යාංශය ප්‍රකාශ කළේ ය.

Related posts

මුස්ලිම් විද්‍යාලයකින් සිවුරු ,කඩු ඇතුළුව උපකරණ තොගයක් සොයා ගැනේ

colombotoday

ලක්මව රනින් සැරසූ තරුෂිට ජනපතිගෙන් සුබ පැතුම්

Admin

ශ්‍රී ලංකාවට නව පරපෝෂිතයෙක්

Admin

අපිට යුක්තිය කෙහෙළියට මුට්ටිය… ප්‍රතිජීවක ඖෂධ වංචාව ලක්‍ෂ 9400 යි

Admin

“පාදඩ මාධ්‍යකරුවන් සහ මිනීමරු සහෝදරයන් හිරේ යවනවා” හිරුණිකා හිරු රෑපවාහිනියට බැනවදී

colombotoday

ජාතියේ උරුමය රැක දිය හැකි නායකයෙකු ජනාධිපති ධූරයට පත්කරගන්න – එල්ලාවල මේධානන්ද හිමි

colombotoday