Colombo Today Sports News

සංගාගේ නමත් ශ්‍රේෂ්ඨතම නම් අතරට

ICC Hall of Fame හෙවත් ශ්‍රේෂ්ඨතම නම් අතරට ශ්‍රී ලංකා කණ්ඩායමේ හිටපු ක්‍රීඩක කුමාර් සංගක්කාර ගේ නමත් ඇතුළත් කර තිබේ.

ජාත්‍යන්තර වශයෙන් ක්‍රිකට් ක්‍රීඩාවට කළ විශිෂ්ට මෙහෙවර සැලකිල්ලට ගනිමිනුයි ජාත්‍යන්තර ක්‍රිකට් කවුන්සිලය මෙය නිවේදනය කර ඇත.

කුමාර් සංගක්කාර යනු මෙතෙක් බිහිවූ දක්ෂතම කඩුලු රකින්නෙක් මෙන්ම පිතිකරුවෙක්ය.

වසර 15ක ජාත්‍යන්තර ක්‍රිකට් දිවිය තුළ ඔහු පන්දු වාර 20 ලෝක කුසලානය ජයග්‍රහණය කළ නායකයෙක් වෙයි.

එමෙන්ම ලෝක කුසලාන එක්දින අනුශූරතාව දෙවරක් දිනූ නායකයෙකු මෙන්ම ටෙස්ට් ක්‍රිකට් පිතිකරු ශ්‍රේණිගත කිරීම් ලැයිස්තුවේ පෙරමුණ ගෙන සිටි පිතිකරුවෙකු ලෙස ඔහු දැක්වූ විශිෂ්ට දක්ෂතා මෙහිදී සැලකිල්ලට ගෙන තිබේ.

එක්දින වැඩි ම ලකුණුලාභීන් අතර ඔහු දෙවැනිවන්නේ සචින් තෙන්දුල්කාර්ට පමණි.

ඊට අමතරව ටෙස්ට් වැඩිම ලකුණුලාභීන් අතර ඔහු පසුවන්නේ 6 වන ස්ථානයේය.

ජාත්‍යන්තර ක්‍රිකට් කවුන්සිලයේ Hall of Fame විශිෂ්ටයින්ගේ ලැයිස්තුවට එක්වූ දෙවන ශ්‍රී ලාංකික ක්‍රිකට් ක්‍රීඩකයා වන්නේ කුමාර් සංගක්කාරයි.

මීට පෙර සුපිරි දඟ පන්දු ක්‍රීඩක මුත්තයියා මුරලිදරන්ගේ නම 2016 වසරේදී මේ සඳහා ඇතුළත් කෙරුණි.

Related posts

අජන්ත මෙන්ඩිස් ක්‍රිකට් පිටියෙන් සමු ගැනීමට තීරණය කරයි

colombotoday

ශ්‍රී ලංකා පාකිස්තාන තීරණාත්මක දෙවැනි ටෙස්ට් තරගය අද

Admin

ශ්‍රී ලංකා – ඔස්ට්‍රේලියා ක්‍රිකට් සටන අද

Admin

ශ්‍රී ලංකා ක්‍රිකට් සභාපති ධූරය නැවතත් ශම්මි සිල්වාට

colombotoday

ජයසූරියගෙන් ක්‍රීඩා ඇමතිට පැමිණිල්ලක්…

colombotoday

තිසර පෙරේරා යලිත් කණ්ඩායමට

colombotoday