රහස් පොලිසියේ සහකාර පොලිස් අධිකාරීවරයා (ASP) විසින් තම බිරිඳව පැහැරගෙන ගොස් ඇති බවට චෝදනා කරමින් ගම්පහා කොට්ඨාශයේ පොලිස් ස්ථානයක පොලිස් ස්ථානාධිපතිවරයෙක් විසින් කරන ලද පැමිණිල්ලක් පිළිබඳව කිරිබත්ගොඩ පොලිසිය විසින් විමර්ශනයක් ආරම්භ කර තිබෙනවා.
සහකාර පොලිස් අධිකාරීවරයා සිය නිල මෝටර් රථයෙන් මහනුවර මාර්ගයේ පොලිස් ස්ථානාධිපතිවරයාගේ බිරිඳ සමඟ ගමන් කරමින් සිට ඇති අතර පොලිස් ස්ථානාධිපතිවරයා ඔවුන් පසුපස යන විට සහකාර පොලිස් අධිකාරීවරයා මහනුවර පාරේ දලුගම පිහිටි ව්‍යාපාරිකයෙකුගේ නිවසකට ඇතුළු වී තිබේ.
ආරංචි මාර්ග වලට අනුව දෙපාර්ශ්වය අතර බහින්බස්වීමක් දුරදිග ගොස් ඇති අතර, පසුව පොලිස් ස්ථානාධිපතිවරයා කිරිබත්ගොඩ පොලිසියට පැමිණිලි කර තිබේ.
ඒ අනුව කිරිබාත්ගොඩ පොලිසිය පැමිණිල්ල සම්බන්ධයෙන් පරීක්ෂණයක් පවත්වයි.