ඊශ්‍රායලය සහ පලස්තීනය අතර, අඛණ්ඩව 10 වන දිනටත් දරුණු ගැටුම් ඇතිව තිබේ.
ඊශ්‍රායල් ගුවන් හමුදා විසින් ගාසා තීරයේ හමාස් සංවිධානයට අයත් රොකට් දියත් කිරීමේ මධ්‍යස්ථානයකට ගුවන් ප්‍රහාර එල්ල කළ අතර හමාස් හමුදා නායක මොහොමඩ් ඩීෆ් ඉලක්ක කර මෙහෙයුම් ක්‍රියාත්මක කරන්නට තමන්ට හැකිවූ බවත් ඔහු මියගිය බවත් ඊශ්‍රායලය ප්‍රකාශ කර තිබේ.
ඊයේ දිනත් ඊශ්‍රායල් ප්‍රහාරවලින් ගාසා තීරයේ පිහිටි මහල් ගොඩනැඟිලි කිහිපයක් සම්පූර්ණයෙන්ම විනාශයට පත්ව තිබේ.
මෙම ගැටුම් සමතයකට පත්කර සටන් විරාමයක් ප්‍රකාශයට පත් කරන ලෙස ප්‍රංශය, ඊජිප්තුව සහ ජෝර්දානය ඇතුළු රටවල් කිහිපයක් දැනුම් දී තිබුණද සිය ඉලක්කය වන හමාස් සංවිධානය යටත්වන තුරු අඛණ්ඩව ප්‍රහාර එල්ල කරන බවයි ඊශ්‍රායල් අග්‍රාමාත්‍ය බෙන්ජමින් නෙතන්යාහු ප්‍රකාශ කර තිබේ.