ඊයේ (17) දින ලෙබනනයේ සිට උතුරු ඊශ්‍රායලය දෙසට ෂෙල් වෙඩි හයක් එල්ල කළ බවත් ඊට ප්‍රතිචාර වශයෙන්, ප්‍රහාර එල්ල කල ඉලක්ක වෙත කාලතුවක්කු ප්‍රහාර එල්ලකළ බව ඊශ්‍රායල හමුදාව පවසයි.
ෂෙල් වෙඩි ප්‍රහාර එල්ල වන බව ඇසුණු බවත් එම ස්ථානය හඳුනා ගැනීමට උත්සාහ කරමින් සිටින බවත් ලෙබනන් ආරක්ෂක ආරංචි මාර්ග සඳහන් කරයි. ඊශ්‍රායලය විසින් ලෙබනනයට ෂෙල් වෙඩි 22 ක් පමණ එල්ල කළ බව එම ආරංචි මාර්ග සඳහන් කරයි.
දකුණු ලෙබනනයේ රෂා අල් ෆුකාර් අවට රොකට් ප්‍රහාරයක් අනාවරණය වී ඇති බව ලෙබනනයේ එක්සත් ජාතීන්ගේ අතුරු බලකාය පවසයි.
පසුගිය සතියේ බ්‍රහස්පතින්දා ද ලෙබනනයේ සිට උතුරු ඊශ්‍රායලය දෙසට රොකට් ප්‍රහාර තුනක් එල්ල කළ නමුත් ඒවා මධ්‍යධරණී මුහුදට වැටීම හේතුවෙන් කිසිදු හානියක් සිදු නොවීය.