Colombo Today Local News

ජාතික ආරක්ෂාව බිදවැටී ඇති බව අන්තවාදීන් පිරිසක් කියනව – ජනපති

ජාතික ආරක්ෂාව බිදවැටී ඇතිබව පවසමින් අන්තවාදීන් පිරිසක් ආණ්ඩුව වෙනස් කිරීමට සිහින දකිමින් සිටින බව ජනාධිපති මෛත්‍රීපාල සිරිසේන මහතා පවසයි.

එසේ වුවත් ජනතා ඡන්දයෙන් මිස කුමන්ත්‍රණවලින් ආණ්ඩුවක් නිර්මානය කිරීමට තමන් හෝ අගමැති රනිල් වික්‍රමසිංහ මහතා ඉඩ නොතබන බව ජනාධිපතිවරයා සදහන් කරයි.

යාපනය නගර සභා ක්‍රීඩාංගණයේදී පැවැති රාජ්‍ය නත්තල් උත්සවය අමතමින් ජනාධිපති මෛත්‍රීපාල සිරිසේන මහතා මේ බව පැවසීය.

ජනපති මෛත්‍රිපාල සිරිසේන මහතා එහිදී පළ කළ අදහස් කිහිපයක් පහත පරිදිය.

“ඒ අන්තවාදීන් කියනවා මේ රටේ නැවත එල්ටීටීඊය ඔළුව උස්සන්න අපේ ආණ්ඩුව ඉඩ දෙනවයි කියලා. මේ රටේ නැවත යුද්ධයක් ඇතිවෙන්න කිසිසේත් අපි ඉඩදෙන්නේ නෑ කියලා සහතික වෙනවා. මේ රටේ ජාතික ආරක්ෂාව බිඳ වැටිලයි කියන අය යුද්ධය ඇතිවීමට හේතු සෙවිය යුතුයි. මේ රටේ අන්තවාදීන්ට මම ආරාධනා කරනවා උතුරේ ජනතාව හමුවෙන්නයි කියලා. ඒගොල්ල සියලු දෙනාම එක හඬින් අත් උස්සලා ඒක කතාවක් කිවුවා. අපි අවුරුදු 25 කට කලින් හිටපු තැනට අපිව ගෙනිහින් දාන්න කියලා. ඒක නිසා මම කොළඹ ඉඳන් කෑගහන අන්තවාදීන්ට කියනවා, බොරුවට කෑගහන්නේ නැතුව ප්‍රශ්නේ තේරුම් ගන්න කියලා.පාර්ලිමේන්තු කුමන්ත්‍රණවලින් අලුතෙන් ආණ්ඩු හදන්න මමත් අගමැති රනිල් වික්‍රමසිංහ මහත්මයත් ඉඩ තියෙන්නේ නැහැ.”

 

Related posts

නාගොඩ රෝහලේ දෙවැනි මහලෙන් පුද්ගලයෙක් ඇද වැටෙයි

colombotoday

ලෝක අභියෝග ජය ගත හැකි රණවිරුවෙක් නිර්මාණය කරනවා

Admin

කොවිඩ් එන්නත් ඉන්දියාවෙන් ලබා ගන්න ශ්‍රී ලංකාව උනන්දුවෙන්

colombotoday

උතුරේ අම්මලාගේ දුක වෙනුවෙන් යමක් කිරීම වැරදිද? – මංගල සමරවීර

colombotoday

මාලඹේ බොබ් මාලි අල්ලන්න පොලීසිය මහජන සහාය පතයි

colombotoday

ලංකාවේ පාකිස්ථානු තානාපති කාර්යාලයේ ත්‍රස්ත සාමාජිකයෙක්..? ඉන්දීය බුද්ධි අංශ අනාවරණය කරයි

colombotoday