![](https://rvz798.n3cdn1.secureserver.net/wp-content/uploads/2021/09/9.5.gif)
ජාතික සත්වෝද්යාන දෙපාර්තමේන්තුවේ අධ්යක්ෂ ජනරාල් ඉෂිනි වික්රමසිංහ මහත්මිය සිය ධූරයෙන් ඉල්ලා අස්වී තිබේ.
මේ බව දැනුම් දෙමින් විෂය භාර අමාත්යවරයාට ලිපියක් යොමු කළ බව ඇය සඳහන් කළේය.
මෙම ඉල්ලා අස්වීම සිදුවන්නේ ජාතික සත්වෝද්යාන දෙපාර්තමේන්තුව භාරයේ නඩු භාණ්ඩ ලෙස රඳවා සිටි හීලෑ අලි, ඇතුන් මුල් හිමිකරුවන්ට මුදාහරින ලෙස නියෝග කර ඇති පසුබිමකදී ය.
නීතිපතිවරයා කළ ඉල්ලීමකට අනුව කොටුව අතිරේක මහේස්ත්රාත්වරයාගේ නියෝගයකින් අලි ඇතුන් 13 දෙනෙකු මුල් හිමිකරුවන්ට ලබාදීමට නියම කෙරිණි.
පරිසර ක්රියාකාරිකයෙකු වන ඉෂිනි වික්රමසිංහ මහත්මිය දෙපාර්තමේන්තුවේ ප්රගතිශීලී වෙනස්කම් කිහිපයක් හඳුන්වා දීමට මූලික වූවාය.