පිරිසිදු පානීය ජලය ඉල්ලා උද්ඝෝෂණය කළ රතුපස්වල ගම්වැසියන්ට හමුදාවෙන් වෙඩි තැබා වසර තුනක් පිරීම නිමිත්තෙන් එම ප්‍රදේශයේ ගැටළු සොයා බැලීමට ශ්‍රී ලංකා මානව හිමිකම් කොමිසමේ විමර්ෂණ කණ්ඩායමක් ඊයේ (28) රතුපස්වලට ගියහ.
මානව හිමිකම් කොමිසමෙන් නිකුත් කළ නිර්දේශ අදාළ රාජ්‍ය ආයතන ක්‍රියාත්මක කර නැති බව හා සැකකරුවන් අත්අඩංගුවට ගෙන නැති බව කියමින් ශ්‍රී ලංකා තරුණ ජනමාධ්‍යවේදීන්ගේ සංගමය කළ පැමිණිල්ලක් අනුව කොමිසම යළි විමර්ශන ආරම්භ කළේය.
ගම්වැසියන් නීති විරෝධීව අත්අඩංගුවට ගැනීම හා මානව හිමිකම් නිර්දේශ ක්‍රියාත්මක නොකිරීම සම්බන්ධයෙන් ශ්‍රී ලංකා තරුණ ජනමාධ්‍යවේදීන්ගේ සංගමය මානව හිමිකම් කොමිසමට ලිඛිතව ප්‍රකාශ ලබා දුන්නේය. සියනෑ පරිසරය සුරැකීමේ සංවිධානයේ සංවිධායක සුරේෂ් පෙරේරා ඇතුළු ගම්වාසීහු රැසක් කොමිසමට තොරතුරු ලබා දුන්හ.
රතුපස්වල සිදුවීමට අගෝස්තු පළමු වැනිදාට අවුරුදු තුනකි.