වැලිකඩ රිමාන්ඩ් බන්ධනාගාරය තුළට ජංගම දුරකථන දෙකක්, බැටරි දෙකක් සහ බැටරි ආරෝපණ දෙකක් රැගෙන යාමට උත්සාහ දැරූ රැඳවියෙකු අත්අඩංගුවට ගෙන තිබේ.
වැලිකඩ බන්ධනාගාර පොලිස් විශේෂ කාර්ය බළකා කඳවුරේ නිලධාරීන් විසින් රැඳවියන් පරික්ෂා කිරීමේදී කලිසම් සාක්කුවේ සඟවාගෙන සිටි මෙම දුරකථන, චාජර සහ බැටරි සොයාගත් බව පොලීසිය පවසයි.
අත්අඩංගුවට ගත් සැකකාර රැඳවියාගෙන් වැඩිදුර විමර්ශන කටයුතු සිදුකිරීම ආරම්භ කර ඇත.
සැකකරු වැල්ලම්පිටියේ පදිංචි වයස අවුරුදු 48 ක පුද්ගලයෙකි.