පුත්තලම නොරොච්චෝලේ ප්‍රදේශයේ අද අළුයම(06)දින සිදුකළ විශේෂ සෝදිසි මෙහෙයුමකදී, කේරළ ගංජා කිලෝ ග්‍රෑම් 212 ක පමණ තොගයක් ප්‍රවාහනය කරමින් තිබූ වෑන් රථයක් සමඟ සැකකරුවකු නාවික හමුදා භාරයට ගෙන තිබේ.
අදාළ කේරළ ගංජා තොගය එම වෑන් රථය තුල උර දහයක පාර්සල් අනූ හතක් වශයෙන් අසුරා තිබු බවයි නාවික හමුදාව පවසයි.
මෙම කේරළ ගංජා තොගයේ දළ වටිනාකම රුපියල් මිලියන 63 කට අධික බවයි වාර්තාවන්නේ.
අත්අඩංගුවට ගත් සැකකරු වයස අවුරුදු 32 ක් වන කොළඹ 14 ප්‍රදේශයේ පදිංචිකරුවක් බවයි නාවික හමුදාව පවසයි.
