යාන්ත්‍රික පාබලහමුදා සෙබලුන් දඹුළු හල්මිලෑව පුරන් කඹුරු අස්වැද්ද වීම ඊයේ (3)දින සුභ මෙහොතින් ආරම්භ කෙරිණි.
අනාගතයේ දිනක රටට ආහාර හිගයක් ඇති නොවන අන්දමට යුධ හමුදා සෙබලුන් යොදවා මෙරට පුරන් ඉඩම් අස්වැද්දවීමේ වැඩ සටහන යටතේ අනුරාධපුර දිස්ත්‍රික්යේ පලාගල ප්‍රාදේශිය ලේකම් කොට්ඨාශයේ දඹුළු හල්මිලෑව ප්‍රදේශයේ කුඹුරු විශාල ප්‍රමාණයක් මෙම යල කන්නයේ අස්වැද්දවීම නොකර අතහැර ඇති අතර එසේ අතහැර ඇති කුඹුරු වලින් අක්කර 5ක ප්‍රමාණයක මුං කවුපි වැනි බෝග වගාකිරිම යුධහමුදාවේ සෙබලුන් යොදාගෙන සිදුකිරිම ඊයේ දින ආරම්භ කරන ලදි.
යාන්ත්‍රික පාබල රේජිමෙන්තු මධ්‍යෂ්ථනයේ සේනා විධායක බ්‍රිගේඩියර් අබේසිංහ මහතාගේ සංවිධානය හා මග පෙන්වීම ඇතිව සිදුකරණු ලබන මෙම පුරන් කුඹුරු අස්වැද්ද වීමේ වැඩ සටහනට ශ්‍රි ලංකා යුධහමුදාවේ නියෙජ්‍ය මාන්ඩලික ප්‍රධානි මේජර් ජෙනරාල් චන්න වීරසූරිය මහත හා යාන්ත්‍රික පාබල රෙජිමෙන්තු බලසේනාධිපති බ්‍රිගේඩියර් බාලසූරිය මහත්මා ඇතුළු පිරිසක් ද සමග හමුදා සෙබලුන් රැසක් හා දඹුළුහල්මිලෑව ගොවිසංවිධානයේ නිලධාරින් ඇතූළු ගොවි මහත්වරුන් පිරිසක්ද සම්බන්ධ විය.
මෙම අස්වද්ධන ගොවි බිමිවල අස්වැන්න එම ගම්මානයේ ජනතාව අතර හා ආහාර හිගයකදි රටේ ජනතාවට ලබාදිමේ අරමුණ ඇතිව සිදුකරනු ලබයි.
මාතලේ මහින්ද උදයසිරි (දඹුල්ල)
