හොරොයින් කිලෝ 68 ක් සමග සැකකරුවන් දෙදෙනෙකු මාතර හක්මන ප්‍රදේශයේදී අත්අඩංගුවට ගෙන තිබේ.
මාතර කොට්ඨාස දූෂණ විමර්ශන ඒකකය විසින් අදාළ වැටලීම සිදුකර ඇති බව වාර්තා වේ.
පොලීසියට ලද තොරතුරක් මත මෝටර් රථ 02ක් පොලිස් භාරයට ගෙන ඇති අතර එහි ප්‍රවාහනය කරමින් සිටියදී හෙරොයින් කිලෝ ග්‍රෑම් 20ක ප්‍රමාණයක් සොයාගෙන තිබේ.
අනතුරුව ඒ සම්බන්ධයෙන් සිදුකළ වැඩිදුර විමර්ශනවලදී තවත් හෙරොයින් කිලෝ ග්‍රෑම් 48ක ප්‍රමාණයක් පොලීසිය විසින් සොයාගෙන ඇති බව වාර්තා වේ.
වැටලීම සිදුකරන අවස්ථාවේදී ත්‍රීරෝද රථයකින් තවත් පුද්ගලයෙකු පළාගොස් ඇති අතර ඒ සම්බන්ධයෙන්ද මේ වන විට විමර්ශන ආරම්භ කර තිබේ.