පැවති අක්‍රමිකතා නිවැරදි කර බලපෑම්වලින් තොරව බදු අයකර ගැනීම නිසා රජයේ බදු ආදායම මේ වසරේ මුල් මාස 6 තුළ රුපියන් බිලියන සියයකින් වැඩි වී ඇතැයි කැබිනට් ප්‍රකාශක අමාත්‍ය රාජිත සේනාරත්න මහතා පවසයි.
මෙම අදහස් ප්‍රකාශ කෙරුණේ කැබිනට් තීරණ දැනුම් දීම සඳහා රජයේ ප‍්‍රවෘත්ති දෙපාර්තමේන්තුවේ ඊයේ (17) පැවැත් වූ මාධ්‍ය හමුවකදී යි.
ඒ අනුව ආදායම් දෙපාර්තමේන්තුවේ ආදායම 38% කින් පමණ වැඩි වී ඇති බවත් සුරා බදු 12% කින් සහ රේගු ආදායම 40% කින් වැඩි වී ඇති බවත් සඳහන් කළා. මීට හේතු වී ඇත්තේ මෙම ආයතනවල සිදු වූ අක්‍රමිකතා වංචා දූෂණ නැවැත්වීමට කටයුතු කළ හෙයින් බවත් පැවසුවා.
කෙ‍සේ වෙතත් ගයන්ත ඇමතිවරයාත්, රාජිත ඇමතිවරයාත් ප්‍රකාශ කළ දත්තයන් හි පරස්පරතාවයක් ඇති බැවින් මාධ්‍යවේදීන් ඒ ගැන විමසීමේදී රාජිත සේනාරත්න අමාත්‍යවරයා පැවසුවේ මුදල් අමාත්‍යවරයා ප්‍රකාශ කළ පරිදි සටහන් කරගනු ලැබූ බවයි.