ඇෆ්ගනිස්ථානයේ සිදු වූ කාර් බෝම්බ ප්‍රහාරයකින් පුද්ගලයින් 30 දෙනෙකු මියගොස් තිබේ.
මියගිය පුද්ගලයින් අතර පාසල් සිසුන් ද වන බව විදෙස් වාර්තා සඳහන් කළේය.
නැගෙනහිර ලෝගර් ප්‍රාන්තයේ පුල් ඊ අලාම් ප්‍රදේශයේ පාසල් ළමුන් රැඳී සිටින ස්ථානයක අදාළ පිපිරීම සිදුව ඇති බව සඳහන් වේ.
ප්‍රහාරයෙන් තවත් පුද්ගලයින් 12 දෙනෙකු පමණ තුවාල ලබා ඇති අතර තවත් පිරිසක් සුන්බුන් අතර සිරවී ඇති බව විදෙස් මාධ්‍ය වාර්තා කරයි.
ප්‍රහාරයේ වගකීම කිසිදු සංවිධානයක් විසින් මෙතෙක් භාරගෙන නොමැති අතර සැප්තැම්බර් 11 වන විට අමෙරිකානු හමුදාව ඉවත් කර ගන්නා බවට එරට ජනාධිපති ජෝ බයිඩ්න් ප්‍රකාශ කිරීමෙන් පසු ඇෆ්ගනිස්ථානයේ ප්‍රචණ්ඩ ක්‍රි ඉහළ ගොස් ඇති බව විදෙස් වාර්තා සඳහන් කළේය.