හින්දු කෝවිල්වල සිදු කෙරෙන සත්ත්වය බිලි පූජා තහනම් කරන පනත් කෙටුම්පතක් හින්දු ආගමික හා සංස්කෘතික කටයුතු අමාත්‍යාංශය විසින් සකස් කර තිබෙනවා.
එම පනත ලබන සතියේදී කැබිනට් අනුමැතිය සදහා ඉදිරිපත් කිරීමට නියමිත අතර එමගින් කුකුළන් වැනි පක්ෂීන් සහ අනෙකුත් සතුන්ද ඇතුළත්ව සත්ව බිලිපූජා පැවැත්වීම නීතියෙන් තහනම් කිරීමට අපෙක්ෂා කෙරේ.
ශ්‍රී ලංකාවේ යාපනය හා පුත්තලම වැනි ප්‍රදේශවල ප්‍රාදේශීය හින්දු ආගමික ඇදහිලි පදනම්කරගෙන බිලි පූජා පැවැත්වෙන බව නිරීක්ෂනය කර ඇති අතර, එලෙස සත්ව බිලි පූජා පැවැත්වීම හින්දු ආගමේ මූලික ඉගැන්වීම්වලට පටහැනි බවද එහි දක්වා තිබේ.