නව ආගමික ස්ථාන ඉදිකිරීම හා පවත්වාගෙන යෑම සම්බන්ධයෙන් ගෙන ඒමට නියමිත පනත් කෙටුම්පත ක්‍රියාත්මක වුවහොත් විහාරස්ථානයක් ඉදිකිරීමට නොහැකි තත්ත්වයත් ඇතිවන බව හිටපු ජනාධිපති මහින්ද රාජපක්ෂ මහතා පවසයි.
මෙය ක්‍රියාත්මක වුවහොත් ඉදිරියේදී පන්සලක් ඉදිකිරීමට සර්ව ආගමික කමිටුවකින් අවසර ගත යුතු බවත් එලෙස අවසර ගැනීමට ගියහොත් කිසි දිනක පන්සලක් ඉදිකිරීමට නොහැකි බවනු ඇති බවත් හෙතෙම පවසයි.
මෙම නීති ගෙන ඒමෙන් පසු පන්සලේ නායක හාමුදුරුවන්ට දහම් පාසලක් විවෘත කිරීමට හෝ නොහැකි තත්ත්වයක මතුවන බවද හිටපු ජනාධිපතිවරයා කියා සිටී.
බුදුන් වහන්සේගේ සමයෙන් පසු භික්ෂූන් වහන්සේට නීති පනවන්නේ මෙම රජය පමණක් බවත් සුද්දාත් නොකරපු දේවල් වර්තමානයේ කලු සුද්දන් කරන බවත් හෙතෙම පෙන්වා දෙයි.