නායකත්වය ගැන ඇතැමුන් කුමන ප්‍රකාශ සිදුකළද එක්සත් ජාතික පක්ෂයේ නායකත්වය වෙනස් කිරීමේ අවශ්‍යතාවක් මේ මොහොතේ නොමැති බව එක්සත් ජාතික පක්ෂයේ ගම්පහ දිස්ත්‍රික් පාර්ලිමේන්තු මන්ත්‍රි කාවින්ද ජයවර්ධන මහතා පවසයි.
පක්ෂයේ ප්‍රතිසංවිධාන කටයුතු සිදුවිය යුතු ආකාරය ගැන සොයා බැලීමට කමිටුවක් පත් කර තිබෙන බවත් එම කමිටු වාර්තාව ළඟදීම පක්ෂය වෙත ඉදිරිපත් කිරීමට නියමිත බවත් ඒ මහතා සඳහන් කළේය.
පක්ෂයේ ප්‍රතිසංවිධාන කටයුතු සිදුවී නව වැඩපිළිවෙළක් යටතේ එක්සත් ජාතික පක්ෂය ඉදිරියට යා යුතු බවත් එජාප ගමනක් යැමේදී පක්ෂයේ ක්‍රියාකාරකම් සඳහා තරුණ පිරිසේද ජවය උපයෝගී කරගනිමින් නව ගමනක් යෑමට අග්‍රාමාත්‍ය රනිල් වික්‍රමසිංහ මහතාගේ නායකත්වය යටතේ ක්‍රියාකළ හැකි බවත් කාවින්ද ජයවර්ධන මහතා සඳහන් කරයි.
2020 ජනාධිපතිවරණය සඳහා එජාප අපේක්ශකයා රනිල් වික්‍රමසිංහ බවත් එතුමා ජනපති කිරිමට කැපවෙන බවද පවසයි.