World

බිට්කොයින් නීතිගත කළ ලොව දෙවන රට බවට මධ්‍යම අප්‍රිකානු ජනරජය පත්වෙයි

ලොව වැඩිම වටිනාකමක් සහිත මුදල් ඒකකය වන බිට්කොයින්(Bitcoin) නීතිගත කළ ලොව දෙවන රට බවට සහ අප්‍රිකාවේ ප්‍රථම රට බවට මධ්‍යම අප්‍රිකානු ජනරජය පත්ව තිබේ.

ඒ, එරට නීති සම්පාදකයන් විසින් සකස් කරන්නට යෙදුණු බිට්කොයින් නීතිගත කිරීමේ පනත් කෙටුම්පත සඳහා එරට ජනාධිපතිවරයාගේ අනුමැතිය හිමිවීමත් සමගයි.

මේ පිළිබඳව අදහස් දක්වමින් එරට ජනාධිපති Faustin-Archange Touadera ගේ කාර්ය ණ්ඩල ප්‍රධානී Obed Namsio ප්‍රකාශ කර ඇත්තේ , Cryptocurrency භාවිතය පාලනය කරන පනතක් පසුගිය සතියේ පාර්ලිමේන්තුව විසින් ඒකමතිකව සම්මත කරන ලද බවත් , එයට ජනාධිපතිවරයාගේ අනුමැතිය හිමි වූ බවත් ය.

මේ සමග මධ්‍යම අප්‍රිකානු ජනරජයේ නිල මුදල් ඒකකය වන මධ්‍යම අප්‍රිකානු CFA Franc සමගින් එරට නිල ගනුදෙනු සඳහා භාවිතා කරනු ලබන මුදල් ඒකකයක් බවට බිට්කොයින් පත් වේ.

රන් හා දියමන්ති සංචිතවලින් ඉතා පොහොසත් රටක් වුව ද මධ්‍යම අප්‍රිකානු ජනරජය ලොව දුප්පත්ම සහ අඩුම සංවර්ධිත රටවලින් එකක් වන අතර වසර ගණනාවක් කැරලිකරුවන්ගේ ප්‍රචණ්ඩත්වයට ග්‍රහණය වී ඇත.

Related posts

චීනයේ වසාදැමුණු සිනමා ශාලා යළි විවෘත කිරීමේ සූදානමක

colombotoday

‍බෝයිං 737 MAX 8 ගුවන් යානා භාවිතය නතර කෙරේ

colombotoday

චීන තානාපති ඉල්ලක කර ගත් පාකිස්තානයේ සුඛෝපභෝගී හෝටලයකට බෝම්බ ප්‍රහාරයක්

colombotoday

කොරෝනාවට එරෙහිව සර්ප විෂ භාවිතයෙන් වෛරසය පැතිරීම සියයට 75 කින් අවම කළ හැකි බවට අනාවරණයක්

colombotoday

මුස්ලිම් කණ්ඩායමක් පකිස්ථානයේ ක්‍රිස්තියානි ගමකට පහර දී කොල්ල කති. කාන්තාවන්ටත් අඩත්තේට්ටම් කරලා.

colombotoday

පලස්තීන භූගත මාර්ග පද්ධතියට ඊශ්‍රායලය ගුවන් යානා 160 කින් පහර දෙයි.

colombotoday