වැලිවේරිය, වෑබඩදී තියුණු ආයුධයකින් පහරදී කාන්තාවක් ඝාතනය කර තවත් දෙදෙනෙකුට තුවාල සිදු කිරීම සම්බන්ධයෙන් පොලිසිය විමර්ශන ආරම්භ කර තිබේ.
සිද්ධියෙන් විදෙස්ගතව සිට පැමිණි 32 හැවිරිදි කාන්තාවක් ඝාතනයට ලක්ව, ඇයගේ සොහොයුරිය හා යෙහෙළියක් තුවාල ලබා රෝහල්ගත කර ඇති බව පොලීසිය පවසයි.
පෞද්ගලික ආරවුලක් ඊට හේතු වී තිබෙන බව පොලිසිය සඳහන් කරයි.
ඝාතනය සිදු කළ 37 හැවිරිදි සැකකරු ද එම තියුණු ආයුධයෙන්ම සිය ගෙල පිටුපස කපාගෙන අසළ ළිඳකට පැන සිටියදී සොයා ගෙන ඇති අතර, ඔහුව ගොඩට ගෙන පොලිස් ආරක්ෂාව යටතේ ගම්පහ රෝහලට ඇතුළත් කර ඇති බව පොලීසිය සඳහන් කරයි.