ජනාධිපතිවරයාට ලැබුණු බැඳුම්කර කොමිෂන් වාර්තාව ජනාධිපතිගේ වුවමනාවට දෙවතාවක් සංශෝධනය කළ බවත්, එලෙස සංශෝධනය කළේ රනිල් වික්‍රමසිංහ අගමැතිවරයා වැරදි කාරයා කිරීමට බවත් නව සම සමාජ පක්ෂයේ නායක වික්‍රමබාහු කරුණාරත්න පවසයි.
එම වාර්තාවට ඔහු දේශපාලන අරුත් දෙමින් ප්‍රකාශ නිකුත් කිරීම වැරදි බව සඳහන් කර සිටි ඔහු, ඊට පිළිතුරු දීමට ගිය රනිල් වික්‍රමසිංහ අගමැතිවරයාට විරෝධතා දක්වා හූ කීමට උසි ගැන්වූයේ ද ජනාධිපති මෛත්‍රිපාල සිරිසේන බවද මාධ්‍ය හමුවක් අමතමින් කියා සිටියේය.
මෙම තත්ත්වය ඉදිරියටත් පවතින්නේ නම් ඊට විරුද්ධව සටන් කිරීමට සූදානම් බවද වික්‍රමබාහු කරුණාරත්න මහතා කියා සිටී.