ගම්පහ දිස්ත්‍රික්කයේ මහර ප්‍රාදේශීය සභා බල ප්‍රදේශයේ අංක 31 අක්බාර් ටවුන් ග්‍රාම නිලධාරී වසම “අක්බාර් ටවුන් ඡන්ද කොට්ටාසය“ ලෙස නම් කිරීමට සීමා නීර්ණ කමිටුව ගෙන ඇති පියවර වෙනස් කිරීමට හෝ සංශෝධනය කිරීමට පළාත් පාලන ඇමතිවරයාට නීත්‍යානුකූලව කිසිදු ප්‍රතිපාදනයක් නැතැයි එම අමාත්‍යාංශයේ ලේකම්වරයා නිවේදනයක් මගින් කියා සිටී.
දිස්ත්‍රික්කයේ ග්‍රාම නිලධාරින්, ප්‍රාදේශීය ලේකම්වරයා, දිස්ත්‍රික් ලේකම්වරයා ප්‍රධාන කමිටු නිර්දේශ මත “අක්බාර් ටවුන්“ නව ආසනය ප්‍රකාශයට පත්කර ඇති බවද එම නිවේදනයේ සදහන් වේ.
මෙම කෝට්ඨාසය පිළිබදව ඉල්ලීමක් ලැබුණු පසුව අදාළ පාර්ශවකරුවන්ගේ නිර්දේශ ලබාගෙන අවශ්‍ය නීත්‍යානුකූල කටයුතු සිදුකල හැකි බවද අමාත්‍යාංශ ලේකම් කමල් පද්මසිරි මහතාගේ අත්සනින් නිකුක් කර ඇති එම නිවේදනයේ වැඩිදුරටත් සදහන් වේ.
මහර ප්‍රාදේශීය සභා බල ප්‍රදේශයට අයත් එඩේරමුල්ල දකුණ, එඩේරමුල්ල නැගෙනහිර, පින්නමැද බටහිර, අක්බාර් ටවුන් යන ග්‍රාම නිලධාරී වසම් අලුතෙන් පිහිටවූ “අක්බාර් ටවුන්” ඡන්ද කොට්ඨාසයට අතුළත් කර ගැසට් කිරීම පිළිබදව ප්‍රදේශවාසීන්ගෙන් දැඩි විරෝධයක් මේ වන විට එල්ල වී තිබේ.