Colombo Today Local News

කොටි සොහොන් බිමක් හදන්න රජයේ මුදල් ලක්ෂ 40ක් වෙන් කෙරේ !

කිලිනොච්චියේ, කනකපුරම් ප්‍රදේශයේ තිබූ එල්.ටී.ටී.ඊ. සොහොන් බිම විනාශයට පත්ව ඇති නිසා මෙවර මහ විරු දිනය සැමරීමට නව සොහොන් බිමක් ඉදිකිරීමට දෙමළ ජාතික සන්ධානයේ කිලිනොච්චිය දිස්ත්‍රික් පාර්ලිමේන්තු මන්ත්‍රි එස්. ශ්‍රී ධරන් විසින් රුපියල් ලක්‍ෂ 40ක මුදලක් ලබාදී ඇත.

මන්ත්‍රිවරයාට වෙන්කොට ඇති විමධ්‍යගත අරමුදලෙන් කිලිනොච්චිය දිස්ත්‍රික් සංවර්ධන වැය ශීර්ෂය යටතේ මේ මුදල ලබාදීමට දිස්ත්‍රික් සංවර්ධන කමිටු රැස්වීමේදී අනුමතය ලබාගෙන තිබේ.

කිලිනොච්චිය, කනකපුරම් ප්‍රදේශයේ මේ එල්.ටී.ටී.ඊ. සුසාන භූමිය ඉදිකිරීම සඳහා කරච්චි ප්‍රාදේශීය සභාවෙන්ද, කිලිනොච්චිය ප්‍රාදේශීය ලේකම් කාර්යාලයෙන්ද අවසර ලැබී තිබේ. කිලිනොච්චියේ ආරක්‍ෂක අංශ කියා සිටින්නේ එල්.ටී.ටී.ඊ. සංවිධානය තහනම් සංවිධානයක්ව තිබියදී එල්.ටී.ටී.ඊ. සුසාන භූමියක් කිලිනොච්චියේ ඉදිකිරීමට අවසරදීම ප්‍රශ්නකාරී බවයි.

2009 වර්ෂයේ මේ ස්ථානයේ තිබූ සොහොන් බිමේ එල්.ටී.ටී.ඊ. සොහොන් කොත් 97ක් තිබූ බවත් මේ මුදලෙන් එම සොහොන් කොත් තිබූ ආකාරයටම සකස් කරන බවත් නව සොහොන් බිමේ වැඩකටයුතු නිරීක්‍ෂණය කිරීමට ඊයේ (22දා) එම ස්ථානයට පැමිණි ශ්‍රී ධරන් මන්ත්‍රිවරයා පවසා තිබේ.

Mawbima.lk

Related posts

ජොන්ස්ටන් ඇතුළු විත්තිකරුවන් තිදෙනෙකුට අධිචෝදනා.

colombotoday

ඉන්ධන බද්ද දිගටම

Admin

සෞඛ්‍ය බලධාරීන්ගේ නියෝග පැහැර හරින්නේ නම් හුදකලා කිරීම් දිගටම

colombotoday

වැඩි කරන ලද විශ්‍රාම වැටුප ඉල්ලා විශ්‍රාමිකයින්ගෙන් පෙත්සමක්

colombotoday

කොවිඩ් මෘතදේහ වලලන්න තවත් සුසාන භූමි තුනක්

colombotoday

වැල්ලවත්ත සැවෝයි සිනමා හළ අසල පිපිරීමක්

colombotoday