“දේශපාලන සිරකරුවන්“ වහා නිදහස් කරන ලෙසත්, උපවාසයේ යෙදෙමින් සිටින හිටපු එල්.ටී.ටී.ඊ සාමාජිකයන් තිදෙනාගෙ ඉල්ලීම් මහා ඉටුකරන ලෙසත් ආණ්ඩුවට බල කරමින් අද (23) කොළඹ මහාධිකරණය ඉදිරියේ විරෝධතාවක් පැවැත්විණි.
“දේශපාලන සිරකරුවන් නිදහස් කරගැනීමේ ජාතික ව්‍යාපාරය“ නම් පිරිස මෙය සංවිධානය කළ අතර ඊට සහභාගී වූ අයෙක් අඩ නිරුවතින් පොතක් ද අතැතිව විරෝධයේ නිරත විය.
උපවාසයේ යෙදී සිටින සුලක්‌ෂණ්‌, රාසතුරෙයි සහ ගනේෂන් නමැති හිටපු කොටි ක්‍රියාකාරීන් තිදෙනා, යුද සමයේදී තරාවෙඩිපායි කොටි කදවුරේ සිරගතව සිටි නාවික සෙබළුන් 18 ක් සහ යුද හමුදා සෙබළුන් 6 වෙඩිතබා මරා පුළුස්සා දැමීමේ බිහිසුණු අපරාධයට සම්බන්ධවූවන් බව ත්‍රස්ත මර්ධන ඒකකය හෙළිදරව්කරගෙන ඇති බව අද (23) මාධ්‍ය වාර්තා කර තිබිණි.
ඡායාරූප – ලංකාදීප