ශ්‍රීලනිපය තව දුරටත් ජාතික ආණ්ඩුවේ සිටින්නේද, නැද්ද යන්න පිළිබද ලබන දෙසැම්බර් මාසය ආසන්න වනවිට තීරණයක් ගන්නා බව ජනාධිපති මෛත්‍රීපාල සිරිසේන මහතා ශ්‍රීලනිප මැති ඇමතීන්ට පවසා ඇතැයි වාර්තා පලවෙයි.
ජනාධිපතිවරයා මේ බව පවසා ඇත්තේ කරුණු කිහිපයක් සම්බන්ධයෙන් පෙරේදා (12) ජනාධිපති නිල නිවසේදී පැවති සාකච්ඡාවකදීය.
මාස පහක කාලයක් ඇතුළතදී තීරණයක් ගැනීමට පක්ෂයේ මැති ඇමතිවරුන් සියලු දෙනාගේ සහාය අවශ්‍ය බවත් ඒ මහතා පවසා තිබේ. අණ්ඩුවෙන් ඉවත් වන බවටත්, මැතිඇමතිවරුන්ට ප්‍රශ්න තිබෙන බවටත් විවිධ ආරංචි පැතිර යන බැවින් තම තමන්ගේ අදහස් ප්‍රකාශ කරන්නැයි මෛත්‍රීපාල සිරිසේන මහතා මෙහිදී සඳහන් කර තිබෙන අතර, වත්මන් ආණ්ඩුවේ තවදුරටත් රැඳී සිටිනේදැයි ඉක්මනින් තීරණයක් ගත යුතු යැයි මැතිඇමැතිවරුන් කිහිපදෙනෙකු එහිදී පවසා තිබේ.