දිවයිනේ දිස්ත්‍රික්ක 7ට බලපා ඇති අයහපත් කාලගුණ තත්ත්වය හේතුවෙන් පුද්ගලයන් සියයකට වැඩි පිරිසක් මිය ගොස් තවත් 100කට වැඩි පිරිසක් අතුරුදන් වී තිබේ.
මාතර, ගාල්ල, කළුතර, රත්නපුර, හම්බන්තොට, ගම්පහ සහ කොළඹ යන දිස්ත්‍රික්කවලට මෙලෙස අයහපත් කලගුණයෙන් බලපෑම් එල්ල වී ඇති බව දිස්ත්‍රික් ආපදා ඒකකයන් පවසයි.
මේ අතර, අයහපත් කාලගුණ තත්ත්වය හේතුවෙන් නාය යාම් සහ ජල ගැලීම් සිදුව ඇති ප්‍රදේශවලට බාහිර පුද්ගලයින් පැමිණීමෙන් වළකින ලෙස පොලීසිය ජනතාවගෙන් ඉල්ලීමක් කරයි.
එම ප්‍රදේශයන් වෙත බාහිර පුද්ගලයන් පැමිණීම හේතුවෙන් විශාල මාර්ග තදබදයක් හටගෙන ඇති අතර, ආපදාවලට ලක්වූ පුද්ගලයින් මුදා ගැනීමේ මෙහෙයුම් කටයුතුවලට බාධා මතුව තිබෙන බව පොලීසිය සඳහන් කළේය.