ඉහළ ගොස් ඇති රසායනික පොහොර මිල ගණන් පාලනය කිරීම සඳහා අවශ්‍ය වැඩපිළිවෙල රජයේ පුර්ණ මැදිහත් වීමෙන් සිදුකිරීමට බලාපොරොත්තු වන බව රාජ්‍ය අමාත්‍ය ජානක වක්කුඹුර මහතා පවසයි.
රාජ්‍ය අමාත්‍යවරයා පැවසුවේ ලෝක වෙළෙඳ පොළේ රසායනික පොහොර මිල ගණන් සීඝ්‍රයෙන් ඉහළ යාම හේතුවෙන් මෙරට පෞද්ගලික අංශය විසින් ආනයනය කරනු ලබන පොහොරවල මිල ගණන් ද ඉහළ ගොස් ඇති බවය.
“දැන් ඒ අය කියනවා අපි මේ පොහොර තහනම් කරලා තියෙනවා කියලා. නෑ පොහොර තහනමක් නෑ දැන්. ඕන කෙනෙකුට පොහොර ගෙන්වන්න පුළුවන්කමක් තියෙනවා. රටින් පොහොර ගේන්න පුළුවන්. හැබැයි ජනතාවගේ ප්‍රශ්නේ තියෙන්නේ පොහොර මිල වැඩියි කියන එක. මිල අඩුකරන වැඩපිළිවෙල ඉදිරියේ දී මේ ආණ්ඩුවෙන් කටයුතු කරනවා. ලෝක වෙළෙඳපොළේ විශාල වශයෙන් පොහොර මිල වැඩිවුණා කොවිඩ් එක්ක. ඉදිරි කාලයේ දී පොහොර මිල අඩුවෙයි. විශේෂයෙන් ම ගොවි ජනතාවට අවශ්‍ය කරන ප්‍රමිතියෙන් ඉහළ පොහොර ඉදිරි කාලයේ දී රජය මැදිහත් වෙලා අපි ලබලා දෙන්න කටයුතු කරනවා.”