කොළඹ ඇතුළු ප්‍රදේශ කීපයකට අද උදෑසන 9.00 සිට පැය 15ක් ජල සැපයුම අත්හිටුවන බවජාතික ජල සම්පාදන සහ ජලාපවහන මණ්ඩලය පවසා තිබේ.
එම මණ්ඩලය පැවසුවේ, අඹතලේ ජල පවිත්‍රාගාරයේ විදුලි බල පරිපතයේ අලුත්වැඩියාවක් හේතුවෙන් මෙලෙස ජල සැපයුම අත්හිටුවනු ඇති බව ය.
මේ අනුව කොළඹ, දෙහිවල – ගල්කිස්ස, කෝට්ටේ, කඩුවෙල මහ නගර සභා බල ප්‍රදේශ, මහරගම, බොරලැස්ගමුව, කොළොන්නාව නගර සභා බල ප්‍රදේශවල ජල සැපයුම අත්හිටුවනු ඇත.
කොටිකාවත්ත – මුල්ලේරියාව ප්‍රාදේශීය සභා බල ප්‍රදේශය සහ රත්මලාන ප්‍රදේශයේද මෙම කාලය තුළ ජල සැපයුම අත්හිටුවන බව ජාතික ජල සම්පාදන සහ ජලාපවහන මණ්ඩලය සඳහන් කළේ ය.
එහි සභාපති, අලහුඩීන් අන්සාර් මහතා සඳහන් කලේ, එම කාලය තුළ ජල බවුසර් මගින් ජලය බෙදා හැරීමට කටයුතු කරන බව ය.