දිවයින පුරා සියළුම පොලිස් ස්ථානවල උදෑසන 8.00 ට සියලු නිලධාරීන් ප්‍රථමයෙන් මිනිත්තු 5 ක් ආනා පානා සති භාවනාව ද අනතුරුව මිනිත්තු 5 ක් මෛත්‍රී භාවනාව කළ යුතු බවට පොලිස්පති පුජිත ජයසුන්දර මහතා නියෝගයක් පනවා ඇත.
නියෝජ්‍ය පොලිස්පතිවරුන් වෙනුවෙන් පෙරේදා (15) දවස පුරා පැවැති විශේෂ රැස්වීමකදී ඔහු මෙම දැනුම්දීම සිදුකර තිබේ.
තමාගේ රාජකාරි අතපසුවීමට මානසික ආතතිය (Depression) දැඩි ලෙස බලපෑ බව එහිදී සඳහන් කර ඇති පොලිපතිවරයා, භාවනාව තුලින් එය මග හරවා සහනයක් ලද ආකාරය දීර්ග ලෙස පැහැදිලිකර ඇත.
ඒ අනුව ආතතිය මග හැරීම පිණිස සියළු දෙනා මෛත්‍රී භාවනාවත්, ආනා පානා සති භාවනාවත් දිනපතා කළ යුතු බවට නියෝග කර ඇති පොලිපතිවරයා, මෙකී භාවනා කරන්නේ කෙසේද? යන්න නියෝජ්‍ය පොලිස්පතිවරුන්ට පැහැදිලිකර දී තිබේ.
ඉන්පසුව ඊයේ (16) උදෑසන සියළුම නියෝජ්‍ය පොලිස්පතිවරුන් වෙත දුරකථනයෙන් අමතමින් තමා කී භාවනා පිළිවෙත් අනුගමනය කළාදැයි පොලිස්පතිවරයා පසු විපරමක් ද කර ඇත.