මහ බැංකු බැදුම්කර වංචාව සම්බන්ධයෙන් චෝදනා ලැබ සිටින අර්ජුන් ඇලෝසියස් විසින් ළගදීම ප්‍රකාශයට පත් කිරීමට නියමිත ජාතික පුවත්පත් ජාලයට සහ, රූපවාහිනී හා ගුවන්විදුලි ආයතනයට, ප්‍රසිද්ධ මාධ්‍ය ආයතනවල මාධ්‍යවේදීන් හා නිර්මාණ ශිල්පීන් රැසක් එක්වෙමින් සිටින බව වාර්තා වේ.
ලංකාදීප පුවත්පත ප්‍රකාශයට පත්කරන විජය නිව්ස්පේපර්ස් ආයතනයේ මාධ්‍යවේදීන් හා කාර්ය මණ්ඩලයේ 25ක් පමණ එක්වීමට සූදානමින් සිටින අතර, ‘දේශය‘ පුවත්පතේ නියෝජ්‍ය කර්තෘ ප්‍රසාද් අබේවික්‍රම මේ සතියේ ඉවත්ව ගොස් ඇත. මව්බිම පුවත්පතේ හිටපු කර්තෘවරයා සහ සේවකයන් පිරිසක් මීට පෙර ඉන් ඉවත්ව බැදුම්කර සමාගම සමග එක් වී තිබිණි.
මේ අතර අර්ජුන් ඇලෝසියස් විසින් මිලදී ගෙන ඇති, නව මුහුණුවරකින් ළගදීම එළිදැක්වීමට නියමිත ‘සියත‘ රූපවාහිනියේ සේවයට හිරු, දෙරණ, ස්වර්ණවාහිනී ආයතනවල සේවයකල ජනප්‍රිය ශිල්පීන් කිහිප දෙනෙකු පසුගිය දිනවලදී එක්ව තිබිණි.
මෙම නව මාධ්‍ය ජාලයට එක්වන මාධ්‍යවේදීන්ට ඉතා ආකර්ෂණීය වැටුප් සහ දීමනා රැසක් ලබා දීමට බැදුම්කර සමාගම විසින් එකගතාවය පළකර ඇති බවද පැවසේ.