උතුරු පලාතේ අගනගරය ලෙස මුලතිව් දිස්ත්‍රික්කයේ මාන්කුලම් නගරය සංවර්ධනය කිරීම සඳහා වන සංරක්ෂණ දෙපාර්තමේන්තුව යටතේ පාලනය වන පනික්කන්කුලම්, වන්නිවිලන්කුලම් හා මාන්කුලම් යන වන රක්ෂිත තුනට අයත් වනාන්තර අක්කර 7200ක් (හෙක්ටයාර 2900 ක්) නිදහස් කිරීමට සැලැසුම් කර ඇති බවත් අක්කර 10,000කින් (හෙක්ටයාර 4100 ක්) සමන්විත යෝජිත මාන්කුලම් නගර සංවර්ධන ව්‍යාපෘතියේ සමස්ත සැලැසුමට අනුව මෙම දැවැන්ත වන විනාශය සිදු කිරීමට සූදානම් වන බවත් හෙළි වේ.
මේ බව හෙළිදරව් කරමින් පරිසර සංරක්ෂණ භාරයේ සජීව චාමිකර මහතා විසින් ලිපියක් සම්පිණ්ඩනය කර ඇති අතර එය සම්පූර්ණයෙන් පහතින් පළ වේ.