Colombo Today Local News

පුරාවස්තු සංරක්ෂණයට ඉක්මන් ක්‍රියාමාර්ග ගන්න ජනපති නියෝග කරයි !

පුරාවිද්‍යා ස්ථානවල ආරක්ෂාව සහ පුරාවස්තු ආරක්ෂා කරගැනීම සම්බන්ධයෙන් ඊයේ (24) පස්වරුවේ ජනාධිපති කාර්යාලයේදී තවත් විශේෂ සාකච්ඡාවක් පැවැත්විණි.

පුරාවිද්‍යා සංරක්ෂණ කටයුතු සදහා ප්‍රමාණවත් නිලධාරීන් නැතැයි පුරාවිද්‍යා කොමසාරිස්වරයා විසින් ජනාධිපතිවරයාට එහිදී දැනුම් දුන් අතර, අදාල පුරප්පාඩු පිරිවීම සදහා කටයුතු කරන ලෙසත්, පුරාවිද්‍යාත්මක ස්ථානවල ආරක්ෂාව සහ පුරාවිද්‍යා කටයුතු පිළිබඳ පවතින බාධා ඉවත්කර ඒවා විධිමත් කරගැනීම සඳහා කඩිනම් පියවර ගන්නා ලෙස ජනාධිපතිවරයා පුරාවිද්‍යා නිලධාරීන්ට උපදෙස් ලබාදී තිබේ.

පුරාවිද්‍යා ස්ථානවල ආරක්ෂාව සඳහා සිවිල් ආරක්ෂක බලකාය යෙදවීමටද ජනාධිපතිවරයා පසුගියදා උපදෙස් දුන් අතර, එම කටයුතුවල ප්‍රගතියද මෙහිදී විමසා බලා තිබේ.

මෙම සාකච්ඡාවට පුරාවිද්‍යා චක්‍රවර්තා පූජ්‍ය එල්ලාවල මේධානන්ද හිමි, පූජ්‍ය ගලගොඩඅත්තේ ඥාණසාර හිමි සහ දයා ගමගේ ඇමතිවරයා සහ පුරාවිද්‍යා බලධාරීන් පිරිසක් සහභාගී වී සිටියහ.

විල්පත්තු වන සංහාරය පිළිදවද ගලගොඩඅත්තේ ඥාණසාර හිමියන් සහ එල්ලාවල මේධානන්ද හිමියන් එහිදී ජනාධිපතිවරයාගේ අවධානයට යොමු කර ඇත. එහිදී අදහස් දක්මින් ගලගොඩඅත්තේ ඥාණසාර හිමියන් පවසා ඇත්තේ, විල්පත්තු සංහාරය තවමත් නවතා ගැනීමට නොහැකිවීම සම්බන්ධයෙන් ජනාධිපතිවරයාට දැඩි ලෙස චෝදනා එල්ලවී තිබෙන බවයි. එවකට බලධාරීන් එම සිදුවීමට අදාළ පියවර නොගැනීම නිසා විල්පත්තු සංහාරය අදටද නවත්වාගත නොහැකි ව්‍යාකූල තත්ත්වයක් දක්වා වර්ධනය වී ඇති බවත්, එබැවින් මෙවැනි සිදුවීම් ඇතිවූ වහාම අවශ්‍ය කඩිනම් පියවර ගැනීම තුළින් ප්‍රශ්නය ඔඩු දිවීම නවතා ගත හැකි බවත් පෙන්වා දී ඇත. එබැවින් එවැනි සිදුවීම් සම්බන්ධයෙන් කඩිනම් තීරණ ගැනීමට පසුබට නොවන්නැයිද ප්‍රකාශ කර ඇත.

[fbvideo link=”https://www.facebook.com/sinhaputhunnew/videos/1311469398891335/” width=”500″ height=”400″ onlyvideo=”1″]

Related posts

කොරෝනා ආසාදිතයින් 49ක් හදුනා ගනී

colombotoday

මහ මෝල්ලු වී හංගයි

Admin

අගමැතිට පක්ෂ වීමට දෙමළ සන්ධානය දාපු කොන්දේසි 10 මෙන්න

colombotoday

නොවැම්බරයේදී නව ව්‍යවස්ථාව ගේනවා.. සියළු ජාතීන්ගේ අයිතීන් තහවුරු කරනවා

colombotoday

ජනපති අරගලකරුවන්ට විහාර මහා දේවි උද්‍යානය වෙන් කර දෙනවාලු

colombotoday

“මුස්ලිම් නොවන ගුරුවරු එපා කියා කුණු බිත්තර ගැසීම: ජාතිවාදී ප්‍රශ්නයක් නෙවෙයි” – අධ්‍යාපන ඇමති

colombotoday